يالله يارب البشر عالي الشان

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
يالله يارب البشر عالي الشان=الواحد المعبود رب الخلايق
تفرج لقلبٍ كاثره فيه الأحزان=من الزمن ومن الامور العوايق
انت العليم بكل كاين وماكان=ومفرّج الكربات لاصرت ضايق
تجعل لنا في جنة الخلد مسكان=في يوم نسمع لجهنم شهايق
يوم الصراط يحط من فوق نيران=تجعل مروري فيه مثل البرايق
وتجعل خواتيمي مغفره وإحسان=في يوم مسيوقٍ ولاني بسايق
ومن بعدها نظمت شعرٍ وقيفان=وأطلق هجوسي تنتقي لي ذوايق
قلبي يشوف من الدهر كل الأشحان=دهرٍ تخلو فيه كل الرفايق
اشوف فيه الصد مابين الأخوان=كلٍ ينادي روح ماني بفايق
وين الذي لاجيت غنى بالألحان=واطلق حجاجه صدق ماهو ببايق
يبدي لي الفرحه ولوكان طفشان=وآخذ علومه كلبوها حقايق
هذاك اريد اشد له صبح الأضعان=وأزبن دياره مع عسير الطرايق
وأكب ديرة ناقص الراي فتان=اللي مع اقرابه يشب الحرايق
لوكان عنده كنز لؤلؤ ومرجان=المال يذهب والمراجل وثايق
وياليت ربي خالقٍ لي جنحان=وابعد عن دياره ولااجلس دقايق
هذاك انا من شوفته صرت قنعان=ونفسي عليه من الزهايق زهايق
وياطير ياطير السماء صقر شيهان=ابلغ سلامي للقلوب الرقايق
اللي مواقفهم كما نوء الامزان=ورثٍ من الاجداد ماهو عشايق
وبلغهم اني طاوي الليل سهران=وأنظم من الاشعار ماكان لايق
وختامها يالله صفحٍ وغفران =قبل الممات وروح فيها غرايق
[/poem]شعر/ سيــــف السعيدي(ابو وسام)