اصول الشهامـــــــــــــــــــ ــــه ...

إسمعني ياللي قد هويتك بوصيك
إسمعني ياللي تدّعي بالفهامه
قلبي ماعاد يهمه اليوم طاريك
باقولها لك يابعدي .. بالسلامه
شاري غرامك كنت والله شاريك
في وسط قلبي ترتسم لك علامه
تطلب شراييني وانا اقول تفديك
أهديك روحي لجل اشوف ابتسامه
ما اقول احبك لانها ماتساويك
بس الهوى بعدك يساوي انعدامه
قلبي واحساسي من الحب يعطيك
يجهر بحبه لك ويجهر غرامه
والمشكله اني كنت اصدق رجاويك
واقول توّ صغير صعب انسجامه
غلطان يوم اني انا كنت هاويك
والشاطر اللي يعترف بالندامه
غلطه .. ونكبه .. والحكي جاه تشكيك
ماعاد ينفع هالحكي والملامه
عيب(ن) علي بلحظة البعد أبكيك
وعيب(ن) على قلبي يزيد ابهيامه
إدراك عقلي ماتحمل بلاويك
واليوم جهلك سكنك في ظلامه
صحوة ضميري جابت اقصاك واطيك
باجيب حبك واعلن بإنهزامه
ماعدت احبك لا ولاعدت أبغيك
ألزم على الإنسان حفظ الكرامه
عندي الكرامه فوق هذي وهذيك
وارقى بشخصي فوق هامه وهامه
بقول كلمه جعلها بس تكفيك
خير الحديث اللي يقلل كلامه
إسمعني ياللي قد هويتك بوصيك
محد(ن) يعلمني أصول الشهامه

تحياتـــــــــــي..,