هــــــــــــز الأشــــــــــــــــواق

السلام عليكم


أقدم لك هذه القصيدة



عسى أن تنال إعجابكم وإستحسانكم


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
بيني وبينك عهد صادق وميثاق = ما غيرته أيامنا والليالي
ذكرك فقلبي طير بجناح خفاق = وإن قلت عالي : قلت لك فالعلالي
تشتاق وتنادي على الوصل وأشتاق = والكل منا قال ما أصبر لحالي
صدرك دوى للصدر إذا خاطري ضاق =وفيه أكسجين ٍ يقلب المر حالي
لو قربوا سيفين من فوق الأعناق = لصيح أبو زيد الهلالي هلالي
ماني لذاك العهد خاين وبواق = حتى لو إن الموت جلجل وجالي
الصدر يتحرك كما هز الأوراق = والوسط غصن إن هب نسناس مالي
والوجه نور الصبح حزات الإشراق = والدم لون الورد دم الغزالي
وعيون مكحوله لها الخلق عشاق = لا .. ما تكحل بالحجر والدلالي
ولسانها أحمر لو تبا تذوق ينذاق = مثل العسل وأحلى من الماء الزلالي
وأحسن حلاته كلها حلو الأخلاق = ولو ينوزن بكنوز قارون مالي
ولا فيه كذب ولا ش بخلاقه نفاق = صادق وما للكذب عنده مجالي
هذا الهوى هذا الغلا سقم الأعماق = ظله براد وشمسه أحلى ظلالي
لو أوصفه بالشعر في بيض الأوراق = يبقى على وصفه من الشعر تالي
لن طال عمري .. وصفه ألحق له إلحاق = وأقول في وصفه قصايد طوالي
وأصوره بالشعر لامــــــع وبراق = ومن يسمع أوصافه بوصفه يلالي
من راح يبغى مثله بكل الأسواق = يتعب ويرجع باليدين الخوالي
حورن من أهل الأرض والرب خلاق = أعطاه رب ٍ كامل من الكمالي
قلبي عنيد وراح في هز الأشواق = يالله بسترك يا عزيز الجلالي
وذكر النبي في بادي القول ينساق = صلوا عليه ودافعوا يالرجالي[/poem]