حتى انتظاري بيتبعك ..!

وسط المتاهات .. اللي انولد فيها جنوني

برسِمِك

واحة .. سكن فـ اطرافها زهر وعبير

واحة .. تِسيَّد

في شواطيها الحرير

واحة .. تمكن من ملامحها نعومة مبسمِك





وسط المتاهات .. اللي انولد فيها جنوني

بسألِك

عنِّك .. وش اللي صيَّرك ضمن المحال

اللي نشوفه واقعي

لكن خيال

واللي يخلي العاشق اللي تعرفينه يجهلِك





وسط المتاهات .. اللي انولد فيها جنوني

بحتريك

وأهيم بِك .. وأسرح مع حزة لقاك

وأتصورِك إنِك معي

وأنا معاك

وأتصور إن جنوني اللي محتويني يحتويك






وسط المتاهات .. اللي انولد فيها جنوني

بوعدِِك

إنِك ملاذي .. ومنتهى طموح قلبي في الغرام

وإنِك سكوت العشق

في بوح الكلام

وإني لعنت الطاري اللي عني قادر يبعِدِك






وسط المتاهات .. اللي لَمَّتْ حيلها وجَمَّعَتْه

مِن الشتات

اللي انْهَكَتْ حيلي وانا فِيها وحيد

استرجع الذكرى ..

واعيد

وأعيش لحظات انتظاري في عناق الذكريات







وسط المتاهات .. اللي فيها صرت أراقب

مطلعِك

كل المسافة .. بأمر شوقي تحتضر

اجيك وإن كنت

انتظر

ومو غريبة ... لو أقول : حتى انتظاري بيتبعِك ..!




,

,

,


بقلمي


الشيناني