أيـــام الزمــــان

[poem=font=",6,,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
سبحان ربي ذ الزمان أشلون يقفز ويعدي = والوقت يجري لابس ( ن ) ثوب الدقايق والثوان
مديت يدي للزمان الله يرحمها يدي = وأزريت لاصافح أكفوف الوقت وأيام الزمان
بيني وبينك يالزمان عهود ليل ( ن ) سرمدي = تبقى عليه قاسي ( ن ) وأبقى على وضع إتزان
الحلم يبقى غايب ( ن ) وانته تبشرني بغدي =لا خايلت عيني هزيله ولاتعشيت السمان
إليا دعيت الحظ يمي قال تبشر بسعدي = يغيب عني ولا نشدته قال ضيعت المكان
كن الليالي لادعيناها تجاوب يبعدي = لا تجهر بصوت الإقامه دام ماحان الأذان
خلي العلاقه بيننا دايم على بساط أحمدي = ولاتشتكي جور الزمان وتقلب العشره ثمان
الوقت قاسي والفتى يبقى على وضعه قدي = وإن ما تحملت المصاعب ماينومسك الرهان
كم قلت أنا لي حلم واعد بالغ ( ن ) فيه إجهدي = وأسرفت فيه بخطوتي وأتعبت منطوق اللسان
يزيد جورك يالزمان المر لاجيت أبتدي = وأصبر على ظلم الليالي وأمتطي ضهر الحصان
وأرقى بحلمي لسما وأسكن فبيتك يالجدي = الحبر وأسطور الورق والفكر مطلوق العنان
قم ياقلم فكري وسجل دام لي حرف ( ن ) ندي = وأكتب معادات الزمن بحروف من رسم البنان
وأجمع هواجيس الليالي كان تفهم مقصدي = تلقى النتيجه في النهاية شاعر الحكمه فلان
هذي تواصيف الزمن فيها خلاصة مشهدي = ولكل رجال( ن ) تجارب توصله بر الأمان
ماهر عبد المعين العلياني الهذلي =[/poem]