فقيـــــــــــر ...

فقير من التغطرس والتكبر والعباد شهود
وغني مادمت عن قوم التكبر رافع شاني
خلقت من الثرى والواقع إنا للثرى بنعود
وليت اللي تكبر يعرف إنه "طينه" وفاني
يامتكبر يامتغطرس على أيش ! نهايتك للدود
تحسب بمالك اللي معك تأمرني وتنهاني
ياجاهل فكر فحالك ترى ماني لكم محدود
أنا عنك وعن أمثالك غني يوم الله أغناني
وأبا أنصحك بنصيحة كان تبغى المرجلة والفود
حياتك لا تغثربها تتبع كل شيطاني
ترى من هو تكبر عيشته قشرا وهو مقرود
يعيش في هم مايدري وأنا يالله لا تبلاني
يابندر ذي خلاصة تجربة والتجربه بجهود
مع اللي خالف الرفقه وتعبني وعناني
وأنا ياخوك أميز هرجتي وأبعد عن المنقود
وأجامل من تقرب لي وأعده حسبة إخواني
وأنا يا أخوك أبا أعطيك الدروس اللي تجيب الفود
بعد ماشفت فالدنيا كثير أصحاب عدواني
تعلم وإغتنم عمرك وحذرا فالحياة تزود
ترى زودٍ بلا سبه يصير فلمح نقصاني
تجمل وإبذل الطيب مع اللي يعرفون الجود
وحاسب لا تمادا فالوفاء مع قوم قشراني
وجنب عن طريق اللاش لا تبدي عليه سدود
ترى أبويه قبل لا أوصيك علمني ووصاني


تقديري ...