العلم غير العلم يالربع قمنـا

السلام عليكم ورحمة الله وبركاته:--

كان الشاعر حمد بن هادي المسردي وبعض خوياه

في الثمانينات هجرياً تقريباً/وهم جميعاً في سن الشباب.

حيث كانوا في رحله وشافوا لهم بدوي وميلوا عليه يبون القهوه والعشا

رحب بهم ترحيبةٍ رديه وقلطهم وهو شايب ولا عليه الا بنات طبعاً شك الرجال

((هادفينه مغيب الشمس و شباب)

قال لنفسه باقول لهم بيتين ان فهموها واللا تصرفت

قرب النجر يدق قهوته وغنا يقول:--



يا مرحبا ترحيبة البـدو بالذيـب
اللي لفا يبغا العشا مـن بهمنـا

ما عندنا له كود حشرات اللواليب
اللي فشقها بالمحـازم نضمنـا




مباشرةً رد حمد هادي ((لأنه عرف المعنى)) قائلاً:--



الشايب اللي لحيته كلها شيب
ساعة دخلنا مجلسه ما حشمنا

بان الغلط ما فيه شك ولا ريب
العلم غير العلم يالربع قمنـا




رحمة الله على حمد بن هادي ومعزبه وخوياه /حيين كانوا أم ميتين.