قصيدة الملك التي اهلت الشاعر مالك جبرين المطرفي للمرحلة ماقبل النهائية

السلام عليكم ورحمة الله وبركاته اما بعد

بعد التحية العطرة لأعضاء منتدانا الغالي أود أن اهنئ الشاعر مالك جبرين المطرفي على تأهله للمرحلة ماقبل النهائية من مسابقة شاعر الملك وعقبال النهائي ان شاء الله يابو جبرين
والان اترككم مع القصيدة التي تاهل من خلالها للمرحلة ماقبل النهائية


ياهاجسي هات الجزيلة من ورى سبع البحور* *واسبح بحرها واعبر امواج المحيط وهاتها

واطلع بها في ساحة الميدان مطلاع الصقور* * اللي تنومس في مطاليع الهدد هداتها

درة ثمينة نادرة ماتحتمل نقص وقصور * * اللول في مضمونها ومذهبه لوحاتها

ماتنكتب مثل القصايد من على وسق السطور* *تكتب بدم الروح لامني نظمت ابياتها

لجل المليك اللي يحكم بالعدالة كل شور * *دستوره القران والسنه يحفظ اوصاتها

في موقف صدق التلاحم فيه منبعه الشعور * *والناس بانت في محبتها وفي نياتها

وحنا يابو متعب ولانا فالشدايد مايبور * *ثابت على ساسه وبقعاء ماحسب صكاتها

وانا وقفت اجدد البيعة وازيد النور نور * *واذبح بسيف العز قوم التفرقة واشتاتها

الدار فضل الله وبعد الله بالخير معمور * *وملوكنا تعطي شعوب المملكة غاياتها

فعلك يبرهن بان دين الله على مر العصور * *ماييختلف نهجه وصوتك يصدح باياتها

شيمتك ماتعرف نفاق ومنطقك مابه غرور * *وتواضعك هيبه وعفوك من جميل اسماتها

تحنو على هذا الفقير وترسم الواقع سرور * *وتمسح على روس اليتامى تنتظر حسناتها

والارملة ترفع يداها عقب معجاف الدهور * *تدعي لكف بالمكارم وافية مداتها

متغلغل حبك وبيتك في مباهيج الصدور * *والشعب في صدرك وذاتك يالمفدى ذاتها

ارضيت كل الشعب والفتنة تولت في دبور* *حتى الدول طيبك غمرها لين صرت امناتها

ياهاجسي قل للمخرب لايلف ولا يدور * *والحية أم جنيب نخلف فالوطن هقواتها

بندقك لامديتها فخباك يالخاين تثور * *من قبل لاتاصل دروع المملكة وحماتها

قواتنا ضد العدا بارواحها للدار سور * *والشعب في وقت المعارك كلهم قواتها

نهدي وفانا للملك ثم الوطن بعد القبور * *اللي بريح المسك فاحت من عبير امواتها

كل التفاني والتماني والتهاني والزهور * *باقة نقدمها بعد ما وافقت حزاتها