غريب الدار

سلام مني عدد مليار
وأسطر الشعر بأقلامي
أوصف وألمّح وأقول أشعار
مافي القصيد أية إبهامي
واللي نظنه نبي مختار
يطلع مع الوقت صدامي
وأصحابنا تجهل الأخبار
وتغفل عن الصدق فأحكامي
يامخادع الناس ياغدار
الكذب لوطال مادامي
في داخلك تكتم الأسرار
تحسبنا جهال ونيامي
من يوم شفتك فهمت اش صار
صدمة شبيهة بالأحلامي
إن غبت تبدي علوم كثار
وتخفي مشاعرك قدامي
وأنا على اللي حصل صبار
لأنك تعلقت بأوهامي
ماهو بشك أو أنا محتار
ماني على الغير ظلامي
ماعاد لك كلمة أو معذار
ماعاد لك سعر ينسامي
ماعاد لك عندي أي مقدار
لك منزلة تحت الأقدامي
أنت على بداية المشوار
نيتك لاتقسم أقسامي
نيتك شينة ودمي فار
منك وأحس نار فعظامي
ويش اللذي يعجبك في النار
النار نار واللهب حامي
من دونها الموت والأخطار
وإن جيتها تفارق الزامي
والحصن دونه حرس وحصار
والدرب مقفول بإحكامي
غيرك تمنى وحلمه انهار
وتلاشى مع مر الأيامي
خذها نصيحة شعر وانذار
خلك على الخطة ونظامي
والا ابتعد ياغريب الدار
واسلم على دين الاسلامي