تحذير من نمط رهيب

بعد السلام وكيف الحال وفي غيابنا ويش سويتم مدري على العهد والميثاق ولا بمواضيع غيري تسليتو هههههههههههههه
موضوعي انذار وتحذير من العالم المغلوانيه قصدي اللي يغلو الاسعار دحييين ويلطشو الراتب قبل ما نكحل عيوننا بيه
الحكايه وما فيها اني هاادي الايام عمال اجدد في كهربت البيت وقلت ليه يا نمط ما تنقز نقزة سريعه وتروح جدة عند سوق الكهربا اللي يسمونه سوق غراب وتدبش عوايزك وتجيبها معااااك لمكة واتبسطت لانه قلي عقلي انه فيها توفير كتييييير
لكن الجرية حصلت لمن جبت الوااااد الكهربائي عشان يركبها وبديت اديه دروس التوفير وانه لابد الراجل يتحرك شويه ويجيب البضاعة من مصدرها فهادي المروحة شريتها بكذا وهادي النجفة شريتها بكدا وكدا والكهربائي يسمع ويضحك وقالي ابويه هااادا فلوس كتير ما فيه ركيص يعني رخيص هادا في مكة عند حقووون المفرق ارخص طبعا ما رضيت الهرجه تخش مخي الين رحت بنفسي واكتشفت ان المحلات اللي نحسبها رخيصة تطلع اغلى من الغاليه يعني بس مشوار لجدة وتحميل ونقل وتعب وسرا وزحمة وفوق هادا كله وكمانه فلوس اكتر ههههههههه
فنصيحتي ليكوم لا تتخدعو بسوق مينا سوق صواريخ باب مكة باب شريف يعني قيس قبل الغطيس وكل سنة وانتم طيبين وموفرين قروووشكم
وبلكن البضاعه برا اغلى وبلكن ارخص يعني على حسب والواحد يفتح عيونه قد الريال لا ياخذله بومبه