قديم 09-14-2011, 08:24 PM   رقم المشاركة : 1
معلومات العضو

 
الصورة الرمزية الميهاف
 

 

 
إحصائية العضو






اخر مواضيعي
 

الميهاف غير متواجد حالياً


افتراضي الغياب

تدْري وشْ معْنى غيابكْ ؟ !!
يعْني :
أسْوَءْ شيْ شفْتَهْ طولْ عمري
تبْدي ضحْكاتي هلابكْ
وفي وداعكْ
ما ينامْ الجَرحْ بدْري
وإنتْ كيفكْ
شوفْ وشْ ناوي عليـه
هاكْ قلبي وهاكْ سيفكْ
وسوْ فيني اللي تبيه
لا تحاتيْ
صفّحْ بكيفكْ جروحي
وإشْطبْ آمالي و طموحي
وإعْتبرْ قلبي كتابكْ



تدري وشْ حطّم غيابكْ ؟ !!
مرْكَبْ بداخلْ شعوري
منْ نسى قلبكْ .. حضوره
قلبي ما واجَهْ .. شعوره
عندي ما بـه شي ضروري
فاقد إحساسْ الأماني
لا مراسي لا مواني
وصارتْ الدنيـا .. قسى
وصار دوري
أعشق أنواعْ الأَرَقْ
وألفظ أنفاسْ الغَرَقْ
وصوت معناه الخَطَر
وقلبْ ميّتْ .. يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي ..
مسا
يا حبيبي في .. غيابكْ
إختلفْ شكلي ولوني
صرتْ أنا إنسان .. ثاني
والسَهَر تعّبْ عيوني
والسؤال اللي ذبحني
صدق هو فعلاً نسى
راح وأهداني الأسى
وما وصلتْ إلا لحقيقه
الجفـا أسْهَلْ طريقـه لـ القسى



تدري لو ينطق غيابك ؟ !!
بس أبسأل وين كنت ؟
ووين رحت بغيبتي ؟
وبسأله عن وضع قلبك ؟
هنت عنده أو ما هنت ؟
ياللي مِن غيرك حياتي
ما لها داعي ومعنى
صار قلبي ما يحاتي
بعد ما تخليت عنـه
إيه كل الناس عندي
بس مابيهـم بدونك
تدري يا عمري بأنك
عندي كل الناس إنت
ومهما تجرحني .. مسامح
وكِل طعناتي .. عوافي
عشت وافي لدنيتك
وبموت وافي
ما اخونك لو تجافي
ما هو آنا اللي إن ضاقت علي الدنيا .. خنت !



تدري وش شفت بـ غيابك ؟ !!
شفت وش يعني { السواد }
تلبس إنت الثوب الأبيض
وألبس " ثياااب " الحداد
ينتكس لـ إحساس فيني
ما أشوفك ! وين عيني
قلت لـ/الفرحه : أجي لك
قالت آسف : لا تجيني !!
كنت أحلم في [ الخيانه ]
وصرت أشوف الـحـلم دايم
يالله عاد .. إكذب أمااانه
وقول إني كنت : نااايم
الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي ؟
البقى براسك يا غالي
وعظّم الله فيك , أجري ..!
في غيابك هذا حالي
في إيدي أحفر لي قبري !




تدري وش وقَّف غيابك ؟ !!
وقَّف غيابك [ سنيني ]
نبض قلبي
ليه ساكت ؟
والدموع اللي تباكت
كل هذا صار فيني
يعني معقوله تغيب
وما تراجع بـ القرار !!
منظر غيابك كئيب
واقف بـ " سكة قطار "
في قفص صدري ربيت
كيف أحس الطير طار
لا نهاري هو نهار
وفيك أسهى ما دريت
ومن يكلمني يقول :
يا بخت من به سهيت
إنت ما حسيت يمكن
والغياب أكبر دليل
دايم يردد لسانك
" لذة الشي القليل "
راضي قلبي في قليلك !
المهم ألمح وجودك
تحترق أعصاب قلبي
وإنت غايب !
يا برودك !!!






التوقيع

.
Almihav
رد مع اقتباس
 


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شوق الغريب (( صوتية بعد الغياب )) هيثم اللحياني مجلس أبي ذؤيب الهذلي للشعر الفصيح 4 05-18-2011 11:55 AM
اعتذر عن الغياب الطويل عادل هذيل المجلس العام 13 12-02-2010 03:49 AM
أعذار الغياب عن المدرسة << زمآن ! هع‎ صمـ الليآلي ـت المجلس العام 7 02-10-2010 06:00 AM
أبيات شعرية فيها العجب العجاب علي المعطاني مجلس النثر والخواطر 12 11-26-2007 01:35 PM


الساعة الآن 08:55 AM


Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
الحقوق محفوظة لشبكة هذيل