المجـــمـــار

الاحبه في منتدى هذيل ..استمرار للتواصل
اضع بين ايديكم هذا النص واتمنى ان يلاقي الرضا والقبول

ركزْت في المجْمار عود ٍ علـى عـود
واشــعلْت نـارٍ مثْلهـــا فـي ضـلوعــي



وكنّي بطيفك كل مـا اسـجْ موعـود
لا جيت ابنــسى هــفْ جمـرة ولوعــــي



واحيا طواري العشْق وعيونك السـود
قبْل الفــــراق المُــر يطْفــي شموعــي


اذكر سواليـف ٍ بهـا الغنْـج مولـود
تميّـــل اغصانـي , وتسْقـــي ربوعــي


اعذب من السلسال , واطرى من النود
تســوقنـي للحــب واكـــره رجـوعـي


وان لامست ضحكـة شفايـاك بركـود
تستــوطن ديـــاري , وتهــزم جموعـي


واليا سـرت بالليـل والعالـم رقـود
روحـي تســابق فــي هـواهـا سموعـي


اوقات كـان يجيبـك البـرد محـدود
علـــى دفـــا قربـي واجيلـك بطوعـي


اسقيـك تحنانـي وتزهـر بـك ورود
اروي ظمــاها لــين ما احــس جوعـي !


وهذا انت تشكي الياس وجروحك شهود
وانا مــــن احــداث الليالـي جزوعـي


توصف لي دروبـك وخطواتـك قيـود
واكتب لك سطــوري وحبْــري دمـوعـي


ولاني على ميقافـي اليـوم محسـود
في جمْــلة العشّــاق مـا شفـت نوعـي


الوصْل دونه سيـف الأيّـام مجـرود
واسْهل من الفــرقى علــيّ حـب كوعـي

تركي الصخري