ابتعد عن حياتي

ضاع درب الصواب وجاك درب ٍ جديد
والحقيقة معاكم نعرف أسبابها
صار عندك مبدّى جيّته يوم عيد
وإن تغيّبت عنكم يحسب حسابها
هو أخذ فرصته والعمر باقي مديد
وإلا أنا في دموعي تغرق أهدابها
في السهر طال حزني وأنت ساع البريد
والرسالة بكفك وثق كتابها
وأنت طاوعته البارح وهمي يزيد
جمرة القلب منك يزيد شبابها
زدت بي لوعتي ياشيخ منت سديد
طعنتك ذقت وسط الخافق حرابها
ياخسارة مشاعر ياخسارة رصيد
حزة غيابكم بالله وش جابها
أتوجد على ماضيك روّح زهيد
من بعد كسب خلق الله وإعجابها
ابتعد عن حياتي ابتعد يابليد
بالمذلة حياتك تلبس ثيابها
طاب لك وإلا غادر عن بيوت القصيد
واترك القوم بأسماها وبألقابها