مرثية سلطان بن عبدالعزيز رحمه الله

ياقصر ياللي مشيد بالعزيزيه
في وسط مكه ولك شهره وعنواني
من قبل ذا اليوم امرك كل عصريه
شارعك معروف للاقصى ولداني
واليوم مامر فالروحه ولا الجيه
اكب شارعك واسلك شارعٍ ثاني
لعلي ادله شوي وتبرد الكيه
اللي لهبها يزيده حب سلطاني
ياقصر مكه ومن فيها عموميه
تبكي وحيث انهم ياقصر جيراني
ياقصر راعيك تبكيه السعوديه
كلاً بكى فوق ابو خالد بالاعياني
اعماله الخيره حسنه بلا سيه
مشهود له بالكرم وافعال الاحساني
وا هني منهو فعل فعلتك وا هنيه
والله ماتنحصي في كل الاوطاني
ويارب تصلح لنا الاعمال والنيه
واجعل لأبو خالد الجنات مسكاني
وتعوضنا بالرياجيل الفداويه
عيال عبدالعزيز طوال الايماني
اختارو اللي يبون ونارهم حيه
نايف ولي العهد ياطيب الانساني
ادق برقيتن في سد برقيه
فرحه بنايف والاخرى هم واحزاني
نايف نهنيه وقفاته بطوليه
وسلطان نبكيه والله طول الازماني
وياربي ياربي جنبنا الحسوديه
واحفظ ملكنا ووفق كل الاخواني
والفين مني سلام وطيب وتحيه
بأسمي وربعي هذيل وذخر جداني
وصلاة ربي عدد ماهل وسميه
على محمد واكرر نسل عدناني

لشاعر صالح بن محمد بن رويجح المطرفي الهذلي