كم شلتها نخوة وطيب وحميه ..وإن صوبتني قلت لاباس لاباس

أسعد الله أوقاتكم بكل خير...
إلى مجلسنا العامر .
أهديكم ..شيله..شرهتــ عتبــ للمبدع حـــامد الضبعان ..من كلمات / خالد الجبر
حقيقه من أجمل أعمال /حامد الضبعان



http://www.youtube.com/watch?v=4aAr4...eature=related
شرهت عتب طوحتها سامريه ..وأنا اتقهوى الليل همً و هوجاس
كم شلتها نخوة وطيب وحميه ..وإن صوبتني قلت لاباس لاباس
وافي واحسب(ن)ألاوادم وفيه ..وإنا اعرف إن الجود والطيب نوماس
لين انتفضت بطعنتين خفيه ..من ناس ماكنت اعتبرهم من الناس
جتني سهوم الغدر منهم هدية ..وانا اتصبر واطرد الياس بالياس
ياماوياما حولوها عليه .. بعض الأوادم ما بها ذره إحساس
نظراتهم ترمي سهوم ألمنيه ..وبـ/صمتهم يحيون لاحزاني أعراس
يجون واحد بس بالفين نيه ..واجيلهم صافي لو البال محتاس
هذا أنـا يديني عليهم نديه . .وبصدق شايلهم على العين والراس
وشلون أجل لو جيتهم بالخطيه ..والله مسلم منهم برد الانفاس
أحاول انسـى والمواجع طريه **واقول يمكن كنت احيان حساس
تحاوشوني والـــنوايا رديه *** ياشينها لاجات لك من اقرب الناس




اتمنى لكم وقت ممتع ...