ليتني قابلت عبدالله ومطلق والعصيمي ؟؟

مايكيّف راسي ّ الا شعر نابع من صميمي
فالرثاء وفالوصوف وفالمقابل والحمية


ماسبحت الا المحيط ومايهاب الا خصيمي
مايورّدني لساني ياعرب حوض المنية


ليتني قابلت عبد الله ومطلق والعصيمي
والا قابلت الفرزدق والحطيئة والبقية


كان جابهت الفوارس من هذيل ومن تميمي
كان وصّلت المعاني للرياجيل القوية


الحقيقة ليتني موجود فالعصر القديمي
كان حظي يبتسم لي فالصباح وفالعشية


وقتنا ماهوبوقت الشعر والله العظيمي
انتهى عصر الجزالة فالعصور الاولية


يوم كان الشاعر المصباح فالليل الظليمي
لا بدى نوره خسف نور القمر من زود ضيه


الحروف اتحيّرت بين الشحيّح والكريمي
بين قبضات الشحيح وبين يمنى ً حاتمية


اكثر الشعار ماتلقى لها معنى سليمي
الكثير مهاترات وزود هرج وعنصرية


صار جو الشعر مثل العاصفة من بعد غيمي
كل شاعر له لسان ٍ محترف فن الأذية


دون قاصر فالوطن كله ليا حد القصيمي
شرقه وغربه شماله لين حد ابها البهية


مايوّثق كلمته ياكود رجال ٍ حكيمي
من هذيل يكون والا غيرها لا ماعليه