:: قصيدة المشاركه في حفل فارس الصحراء واخيه ::

[poem=font="mudir mt,5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]


اذا دعـاني للـقـصيد الداعـي =اطلقت فكري في سماء ابداعي

وابحرت في بحر القصيد الوافي=قبطاني الهاجس واشد شراعي

اغوص في غب القصيد الندر=واجيب مرجانه ولول القاعي

انقا من بيوت القصيد اجزلها=اتعبلها من شيمتي واطباعي

واستحضر الهاجس فرايد شعره=شعراً جزيل ويطرب الاسماعي


نقوه من الدر الاصيل اهديها=مني وفاء للمحتفى والداعي

صالح واخوه وربعه الي جنبه=اللي لهم بين العرب مطلاعي

اعدها قدم الوجيه السفره=مالي ورى مدح الرجال اطماعي

شاعر واعرف حروفها والعبها=ماني بمتصنع من الصناعي

والشاعر الي ما يجيد المعنى = والله ليا كله مطب صناعي

شاعر وامثل لابتي بحضوري=منطق لسان ومدتن بذراعي


والحضره اللي فاللزوم احضره =تبقى مع اهل الشعر والامتاعي


وهذيل ربعي وافتخر واماري=قبيلةً ماهي من التباعي


قبيلةً تاريخها ما يجهل=تاريخها مثل الذهب لماعي


اهل الشعر والعرف واهل الحكمه=واهل الجيوش وسيفها قطاعي


واصحاب سيدنا محمد واله=يوم السيوف اللي لها ميقاعي

واليوم في نعـمـت ملوك الدوله=الامن سايد والولاء للراعي

واللي يهدد والزمان ادنابه=وفي كل يومن طالع بمذياعي

يركد شوي ولا يقدم يومه=ويخضع لها ويجيلها منطاعي

هذا وطنا والدما فواره=ما والله انبيعه ولا ينباعي

حـنـا دروعه لادعى موقـفـنا=درع الولاء واهل الوفاء ونداعي

والجاهل اللي مادرى قولوله=القلب من دونه جميع اضلاعي

من دونه اجساد الولاء والعزه=تدحر دعاة الشر والاتباعي





[/poem]