ثنتين ياوافي

لي هقوتاً يوم الهقاوي بعيدات = اوثق بها واعدها راس مالي

وارموزها باالمختصرعشره ابيات = والكامل الله ما لغيره كمالي

ودام الحسايف ماترد الذي فات = رجاي في الي يعلم بسر حالي

والحاجه الي تعبتني ولا جات = تجي ولو غابت شهور وليالي

اوصيك ياوافي في حفظ الصلاوات = باالدين تلقى العز وتصير غالي

خلك مع اهل الدين راعي علاقات = تفوز باالاولى وتصبح مثالي

وترا الكرم ذروة سنام الكرامات = خله يمين ولا ترده شمالي

والحلم ياوافي وسام البطولات = يلزم لجارك والرفيق الموالي

وثنتين ياوافي من اقوى الصعيبات = احسب لها واثبت ثبات الجبالي

(الكره - والحاجه ) تراها ثقيلاات = ومن ثقلها تكسر ضهور الرجالي

والحر مايرض بغير المنيفات = وانته مجود ساس جداً وخالي
وسلامتكم