الاوله فالود لا واعذابي .... عبدالله المسعودي

مجالسيه : الاوله فالود لا واعذابي


الاوله فالود لا واعذابي
عرضلي المجمول فاول شبابي
سهران طول الليل اكسر حسابي
مالي دواء غير اللقاء والمواساه

والثانيه ما عاد فالود حيله
جسمي نحل والقلب ضيع دليله
والناس تشمتني وانا من قبيله
لا تعطي الدرب الذي فيه مزراه

وايضا نهيت القلب عشرين مره
ويزيد ناره نار ويزيد شره
سواة من واعد عميله وغره
غرتني الايام ياهم ليلاه

ايام من ذوب العسل ذوقتني
وايام فبحور الهوى غرقتني
ليت الليال بغيبها خبرتني
ما كنت اسير بدرب لين اعرف اقصاه

ويش يحمل القلب اللي الهم ضده
مشتاق من هم المحبين قده
ودموع عيني فوق جنب المخده
حتى وانا في نومي احلم برؤياه

احلم بفرحي يوم اقابل صديقي
كني مقابل ولد ابويه شقيقي
وان قلت اكثر يمكن انه حقيقي
والجمر مايحرق يقع من توطاه

انا وطيت الجمر وطياً ثباتي
ما حط ياهل العشق غير متواتي
هذا الذي مكتوب لي في حياتي
وانا مطيع حكم ربي ولا اعصاه

والاخره ياصاحبنا والنهايه
في ريع اذاخر مايعاوز دعايه
اليا وصل دكان نافع كفايه
ياليت جانا خط منكم نقراه


لشاعر عبدالله المسعودي الهذلي يرحمه الله

نقلاً عن احد الرواه