مثل ماعليّ حقوق ليّ حقوق

هذلي حزين

اليوم بدع ورد كرّ وفرّ وملازم حلوق =ولازم على قال المثل لحروفنا نحطّ النقط
لكم علىّ حقوق وأنا لي بعد بعض الحقوق =عامين معرف غير راع الطيِب أبن مغبش فقط

ابن مغبش

اليوم اطالع للمزون ام الرعود ام البروق =الي عليها البدو قامت بين شيل وبين حط
ياسايق الظلعان شفتك فالبلد تقدر تسوق =لكن تعديت الاشاره واصبح اسمك فالنقط

هذلي حزين

خابرك شاعر جزل منزالك على ماقيل فوق =وأنته لياخاويت مثلي والله انك تنبسط
همتك حان الوقت نبغا نمسك بحلق السروق =انا مع الخط اليمين اما انت خلك في الوسط

ابن مغبش

الشجره الخظرا نعرف ان سرها قو العروق =يالشاعر الي من بني عمه مجـود ماسقـط
نسقي قربنا من مواردنا تضيعهـا الشقـوق =مافاد فيها رقع واحنا لـو رميناهـا غلـط

هذلي حزين

ياخوي خبري بك تفسرها على الطاير سبوق =واليوم اشوفك فوقنا ناوي تمشيها عبط

الله لوتدري عن الليّ يحمله لك هالخفوق =اكبر من اللي ترصده ياصا حبي عين القطط

ابن مغبش

ابعدتها وانته تبى العالم من المعنى تحوق =تملا الجيوب وغير هذا تتملي منه الشنط
مافيك شك ولالحقك العيب يالقلب الصدوق =لكن حنا ننجز البنيه على حسب الخطـط

هذلي حزين

ابشرك سنجار في الصف انبسط من هالطرق =وأهم شي (ن) عندنا سنجار منا ينبسط
الأمن متوفر وأشوف الناس طوقاً خلف طوّ ق =بس انت لاتعكس طريق السير لاتعكس غلط

ابن مغبش

سنجار بن مره يسد الي عن الماقف شفوق =شاعر يتابع فكة المعنى ومن جا ثم ربـط

مادامت ان الوقت هذا فيه شمس بلاشروق=كلا يبى يرعى على كيفه وشغله منظبـط

هذلي حزين

احيان اقول انك شجيع ونوب اقول انك ذروق =وأحيان تفهمني لكن احيان عن فهمي تغط
ياخوي انا بالعين شفت اللص يوم انه يبوق =لا والمصيبة لابس(ن) له بشت يوم انه قلط

ابن مغبش

لاوالله الا طالت النخله وجاي الها عذوق=وانا احسبنها ماتعيش ويمتلي منها السمط

ان كان شفته بلغو عنه المباحث والحقوق=حتى نسوي له كمين اليا ارتفع ولا هبط

هذلي حزين

نحسب ونغلط في العدد وبضاعة(ن) من كل سو=حراج به غث وسمين وزحمة فيها غطط
وش رايكم نشري نعاج(ن) خمس مع ثنتين نو=ونسوقها صوب المراعي لاحقوق ولاشِرط

ابن مغبش

السوق زحمه والبظايع بينها تبـدي الفـروق=يالتاجر الي بـاع سمـح ولايـدور للشطـط

المشكله في ابا الحصين ان كان جا شدقه يلوق=اليا رميناه ابتعـد واليـا تركنـاه انحقـط :)