دمــــع القــــلــــم

[poem=font=",7,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
دمع القلم لاعانق أوراق وأسطور = رحت أتوجد وألتفت يمت الدار
دار ( ن ) سكنها مشغل القلب بالنور = من يوم شفته والصدر مشتعل نار
واقف على جاله وأنا ماسك السور = والدمع من خدي هماليل وأنهار
أذكر زمان ( ن ) خاطري منه يفور = وقت ( ن ) مضى يا ما تحلا بالأسرار
وقت ( ن ) تغنيبه عصافير وطيور = جابت عن أقلوب المحبين الأخبار
والدرا تشهد للمحبه بلا زور = بأنه زعيم ( ن ) للحلا بكل الأبصار
سميتها الترفه وهي وردة الجور = ورده تضاهي بالحسن كل الأزهار
لميت له حبن على الناس منثور = وعلقت له قلبي على حيد مسمار
من شوفه أغنا وراعي الحب معذور = معذور لو يكتب له أحروف وأشعار
قلبي على فرقاه مبلي ومقهور = والدار تبقى للمحبين تذكار
صبرت يهل الدار وأستعظم الجور = ليته يطمني عن الحال وش صار
أمسيت في حيره وأنا عنه محضور = أحاوطه كني لهالدار سمسار
من بعد غيبه دامت أسنين وأشهور = أشتاق له شوق الصحاري للمطار
هذي دموعك يالقلم وأسمع الشور = أطوي كتابك وأترك القلب يختار [/poem]