مرثيه فالشهيد نايف مربح المسعودي الهذلي يرحمه الله لشاعر سلطان المسعودي ...

بغيت اشعبن مع الاصحاب واقطع كروت
واعزم هل الميسره واعزم هل الميمنه
وابني بيوت الفرح وابني بصدري بيوت
شاعر وقافي يشوق السامعين لحنه
يامطيب الشعبنه قدام نايف يموت
من عقب ما مات مالي شف فالشعبنه
اللي على الحق لاظالم ولا هو سحوت
شهيد واجب ومات فخدمته لوطنه
مابين شك وريب وبين هرج وصموت
صدقت كذبت لين اني لمحت كفنه
بغيت اصوت بصوت ولا بقى في صوت
من قوة الصدمه اللي فالحشى ماكنه
عساه في جنه الفردوس خضر النبوت
يلقى مع اهل القلوب الطاهره مسكنه
شفت الجماعه سكوت وكن ماهم سكوت
الدمع ماينقطع وقلوبهم محزنه
والشايب اللي على جرح المشاعر كبوت
الله يعوضه ويثيبه ويرضا عنه
والله يعوض هله في مقبلات الوقوت
اللي بحكم الحكيم نفوسهم ميقنه
اللي كتبه الولي للعبد ماعنه فوت
والرزق مضمون بس العمر من يضمنه
لكن ابنخى هل الفزعه كبار البخوت
اللي على الشعب والدوله لهم سلطنه
مادام مادام ثابت للقضيه ثبوت
الحق مايندفن ياللي تبا تدفنه
ثلاثه سنين والمشروع في بطن حوت
والسير مدهون مايحتاج احد يدهنه
امشو بحسب النعت يافاهمين النعوت
نبغى من اهل المواقف وقفه مثمنه

لشاعر سلطان بن علي المسعودي الهذلي