انواع الشعراء

[poem=font="times new roman,6,orange,bold,italic" bkcolor="black" bkimage="" border="none,4," type=0 line=1 align=center use=sp num="0,black""]
كل شاعر له صفة وأسلوب في بدع المثايل = وله نظر وأهداف والتحقيق للأهــــداف غايه

شفه وغاية مناه ينظم خيـــــــــــار القوافــي = والشعر معروف بنيه مثل سيسان البنايـــــــــه

ان بنيته فوق عز ومعرفه جـودت ســــاسه = وأن بنيته مانت متمكن يطيح من البدايـــــــــــه

الشعر جزل البيوت اللي لها مغزى ومعنى = موهبة من ربنا ياللي تعرفـــــــــــــــون معنايه

وأسمحوا لي يابحور الشعر من كل القبايل = اوصف الشعار وأقبل كل من هو قـــــــال رايه

فيه شاعر يكتبه نصح(ن) لمحتاج النصيحه= يكتبه للنصح والأرشــــــــــــاد وأسباب الهدايه

كل شعره خصصه قال الله وقاله رســــوله = ينصح اللي يســـــــــمعونه قبل ساعات النهايه

وفيه شاعر كل بيت ليا بناه يكون حــــكمه = مايقول الا جزيل الشـــــــــــــعر مايبا وصاايه

جوّد بحوره وقافيته وكل اللي يخـــــــــصه = في اختياره وأنتقاده للنظـــــــــــــم ولا الحدايه

وشـــــــــــاعر هذي وصوفه رددوا لله دره = يستحـــــــــــــق الشكر والتقدير يستاهل ثنايه

وفيه شــاعر يكتبه حتى تقول الناس شاعر = كل ماســـــــــــــوى قصيده قال مايوجد كمايه

يحسب ان الشعر مهنه ماادرى ان الشعرورثه = وأن نصحته قال انا مااعلنت للشعر انتمايه

ماكتبته غير ادور شــــــــهرة وسمعة ومكسب = وأن فقدت احـــدى الثلاث الشعر لقيته قفايه

وشاعر يحب الغزل شعر الغزل شوقه وشفــه = في القصيد يقول انا هيمان انا في الحب تايه

يشــــــــكي اشواقه مع احزانه مع آهاته وشوقه= يوم مســــــتانس على قوله لكن أيام فايه

والغزل يقلونه الشعـــــــــــار وشروطه كثيرة = اول شروطــــــه تقول الشايب ان قاله جنايه

الشباب نعذره لكـــــــــــــــــن من قفت سنينه = ويش عذره يوم يصبح بين اهل جيله روايه

يشرهون الناس فوق اللي تلبس غــــير ثوبه = من يقل الشايب المقفي تمــــــرى في المرايه

ثم شوف ان الشباب اعلن بلا رجعه رحيله = والعوارض بيض والشيب ان بدا في المسلم آيه

مابقي في العمر قيس اللي مضى فكر وقرر = ثم توب وقول ياخــــــــــــــلاق تغفر لي خطايه

هذي اوصـــاف قليله من كثير(ن) شايفينه = واعذروني لن حصل تقصير والايـــــــــام جايه

يعلم الله مابدعناها لتجريح وشــــــــــــتايم = ولابدعناها شماته ياهل الفكـــــــــــــــر اووشايه

غير قلناها عضه لعل ربي ينفـــــــــع ابها = كل شاعر من كبار الســـــــــن وأصغر وسننايه

والختام انتم وانا لازم على طــــــه نصلي = ثم اعوّد وأختم آخـــــــــــــــرها ببيتي في البدايه

كل شاعر له صفة وأسلوب في بدع المثايل = وله نظر وأهداف والتحقيق للأهــــداف غايه[/poem]