قصيدة ( وا حن قلبي ) للشاعر الكبير/ ماطر بن عطاالله الفضلي الهذلي
[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وا حَنْ قلبي حنة الفُطَّرَ الشِّيب = اللي حنايا من الظما وانطوت طيّ
لي جات تبغي الشرب عوجاً ملاهيب = وحلابها وقّاف يطوي الرشا طيّ
حمراً وسود ودُهم عوج العراقيب = ورداتها مع طلعة الشمس ياوخيّ
يُبسَ الشِّفِي وانيابها من كلاليب = واشعافها مع فارع الضيق له فَيّ
شياً بكار اعجام وشياً محاليب= ومعها الحِشِي تلعب وتلوي بها ليّ
ومعها هديد يحوفها كنّه الذيب= يتابع الهدرات ما يقربه شي
يصعق لها الراعي وذاها قناصيب = مع كل جرف وحزم ثنتين تبديّ
وان قص بالجُرَّة لقيها مهاريب= يومين تاكل في الحيا وانشوت شي
واركت على بيرٍ وذاها محاديب = بيراً على سحب الرشا ماهو باللي
ومعها صبياً ذِرف نسل المعاطيب = مجرِّد الذرعان والجسم ممليّ
ومشمر الساقين ما حافه الشيب = ولا مشى يمَّ الهوا واتبع غَي
عفيف نفسٍ ما يحب العذاريب = ولا يحب الحُسْد حياً بعد حي
وان كان في نفسه يبي له مطاليب = يبغي حلال ومن نسب عارفه عي
ما هو من الخُبل الهبود الدباديب = اللي ليا جا في المجالس هَرَج غي
لي التمت العُرَّاف عُقف الاشانيب = يقطع لهم بالهرج وامرار يخطي
ما يبسطه غير النَّقَد والاكاذيب = وما بين ذاك وذاك يزْهِب ويرميّ
وصلاة ربي عالم الجهر والغيب = على النبي ياللي معايه تصليّ[/poem]
التوقيع |
وأنسى الذي قد كنت فيه هجرتها
كما قد تنسّي لبّ شاربها الخمرُ |
آخر تعديل رايد الياسي يوم 01-22-2013 في 12:06 AM.
|