مشاركتي في حفل قبيلة النفعه من عتيبه

السلام عليكم ورحمة الله وبركاته

اطرح بين ايديكم
مشاركتي في حفل قبيلة النفعه من عتيبه

سلام ياهل الحفل روس اعتيبه
.......رمز الشجاعه والوفا والطيبه
سموا النفيعي مشعلين الضيه
.......اهل الكرم والزود والترحيبه
ذوي سنان اهل العطا والمده
.......يوم الزمان الشين عاوي ذيبه
ذباحة الحايل غناة الفقري
......بنك المراجل صدق ماهي غيبه
اهل السلوم العامره والمذهب
..........مافيه شك افسلمهم اوريبه
رجال مافيهم ذليل وخاين
......... وتاريخهم مايختلف تركيبه
مبروك ياصحاب المقام الشاهر
........الحفل شامخ والفعول امهيبه
محفل معيض ابن سعد واعياله
...راعي البنا الي مااختلف ترتيبه
الله ياعواظه يديم افراحك
.........يستاهل الي مافشل تهذيبه
مبروك ياالعرسان ياماشالله
راعي الحسدجعل السهوم اتصيبه
حضرت في تقدير راعي الدعوه
.....واليا دعا داعي الرجال انجيبه
في قدر دعوة تركي ابن عيظه
........ عن لازمي مادور التجنيبه
شاعر قبيله وافتخر في ربعي
........هذيل سعدالي بلاه امصيبه
ذروة سنام المجد واهل الطاله
....اهل الشعروالعرف واهل الهيبه
قروم ماننقص حقوق الجيره
........... وخوينا محشوم مانرديبه
وضيفنا يبشر بعلماً غانم
.............نقدره وانكمل امواجيبه
وكل القبايل وافيه وتقدر
.....وامر التعصب شين ما اوصيبه
وفي الختام البيض تغشا الهيلا
........وقل الكلام اخير من تشعيبه