يـتـيـم

[poem=font="Tahoma,4,#8b0000,normal,normal" bkcolor="#fff2f7" bkimage="" border="solid,2,#ffffff" type=1 line=0 align=center use=sp num="0,"]
ياســامــع للقول عسـاك تسلم=فقدت أبوي وصابني الهم والياس
حتى البصيره كنها الليل الأظلم= أقـــــاسي اللوعه كسير ومحتاس
مــر الــعــزا وانا حسايف ومغتم= والحــزن طاويني وولّـــع بمقباس
وين الغلا اللي شايل عني الهم=خيره مغطّيني من الرجــل للراس
ماعــاد ينفع خــال ولا ولـد عـــم=أنــا واخـــواني تحت رحمة الناس
والـغـاليه تبكــي بـدل دمعها دم= على الذي درب الخطا فيه ماداس
عشــــنا حياة مثل عظم بلا لحم= وغيرنا يلبس جــــواهر من الماس
عشنا كفاف وبعض من ناس تعلم=ونفس عفيفه عن عطا كل الأجناس
واللي يشوف الحال ضلعه تهشّم=ويبكــي بكـــانـا كـــل خيّر وحساس
كـــلا إلا جــــا العيد يحلم ويحلم=جته الهدايا في قـــراطيس واكياس
وانـــا إلا جـــا العيد كلي اتـــألم= عجزت عن سلم الحـــلاوه والألباس
ثوبي تشقق كل الأطراف والكم= ماأمــلك ببيتي غـير دلــه ومحماس
وإحنا بوســـط الناس ماحد تكلم= لالا ولا حـد جـر ســـيره من الساس
حـنـا لنا الله رب الأربـــاب يحكــم=ينصــــف لنا من مجتمع صــار بلاس
المجتمع يانـــاس مــاعـــاد يفهم=ماعــــاد فيه اعـمـال خير ونومـــاس
لكن مـــــن قصّـــر بلاشـــك يندم= باليوم الآخـــر يــــوم دقات الأجراس
وصــــلاة ربي عـــد مالصبح نسّم=على من نــزل منذر وللدين حــراس
جمعان الطلحي[/poem]