الله من كبرها !!

الله من كبرها !!

** رحم الله والدنا وباني نهضتنا الحديثة ، خادم الحرمين الشريفين
الملك الصالح ( عبد الله بن عبد العزيز ) وجزاه عما قدم لشعبه
ووطنه ، وللأمتين الإسلامية والعربية خير الجزاء .
** { إنا لله وإنا إليه راجعون }

[poem=font=",7,black,bold,normal" bkcolor="transparent" bkimage="" border="double,4,black" type=2 line=1 align=center use=ex num="0,black""]
الله من كبرها ما ادري (ش) اسمّيها = فجيعة العصر ، ولاّ كارثة أُمّة ؟
أكيد هي كلّها ، واخرى تباريها = لجل الذي مات (عبدالله) ماهو عمّه !
يا لايمٍ عبرتي يوم انّي ارهيها = ماهو بكيفي أهلّ الدمع وآلمّه !
غصبٍ على العين تذرف حرّمافيها = من حرّ فرقى ( أبونا ) عالي الهمّة!
العين لو ما عناها فقد غاليها = وش عذر مال (الرمد) لو ما انتحت يمّه ؟
والله لو النفس تُفدى عند باريها = كان افتدينا (إمامٍ) همّنا همّه .
لكنها حكمة المعبود يجريها = على عباده ، حسير ، ولابس العمّه .
آمنت بالله مرسيها ومجريها = جابر كسور الضعوف وجالي الغمّة .
يحسن عزا أمتي في فقد راعيها = اللي كتب مجدها في عالي القمّة .
يا صعب فرقاه ، والأجيال ترويها = ولو خانت الذاكرة ، ما خانت الذمّة .[/poem]