محاوره نادره للمسعودي مع بريك السعيدي

اقدم لكم هذه الابيات وهي بلا شك جزء بسيط من لقاءات المرحوم عبدالله المسعودي مع كبار شعراء عصره وهي بالمناسبه لها قصه يعرفها اغلب من سمع بها , فقد كان هناك زواج عند احد السعايد واراد ان يعزم كبار الشعار امثال المسعودي والجبرتي والسواط والعصيمي , ولكن كانت المعيشه يومها صعبه فبالكاد يجد الرجل ما يسد به متطلبات الزواج فما بالكم بدفع اجور الشعراء (على الرغم من قلة الاجور ذلك الحين مقارنة بعصرنا الحاضر) , المهم ألحوا بعض جماعة الرجال وقالوا لازم تجيب شعار فأراد ان يستدين لأجل ذلك , فعلم الشاعر والشيخ بريك بن حمدي السعيدي بذلك فقال له: لا تستدين شئ ولا تعزم شعار انا وهلال بن فهيد موجودين وما راح ناخذ منك اجر , فوافق على رأي بريك , وكان الشعار ايامها اذا سمعوا بزواج اتوا وجلسوا ينتظرون صاحب الحفل ان يطلب منهم احياء حفله.
المهم في ليلة الزواج اتى الشعار ومنهم المسعودي والجبرتي والسواط والعصيمي وجلسوا في ركن المفرش , المهم تعشوا الرياجيل وقامت الملعبه بين هلال وبريك, انتظروا الشعار صاحب الحفل يأتيهم ويطلبهم لكن هذا الشئ ما حصل , _ والظاهر ان بريك وهلال ردوا المعنى فالشعار اللي ينتظرون احد يعطيهم اجر _

هنا قام المسعودي بعد طول انتظار وبدع قائلا:
[poem=font="Arial,5,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
ياسلامي عليكم ياهل الملعوب=سلموا فوق راس بريك وعقاله
يوم جينا بغانا حملها مصلوب=مير شحوا على الجمال وجماله[/poem]

فقام له بريك ورد عليه:
[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
ياهلا مرحبا ياغاية المطلوب=ول لا عاد حال(ن)ماحتمى ماله
ان قعدتوا ترى بيت الكرم منصوب=وان سريتوا ترى دربك مع ابداله[/poem]

فقال المسعودي:
[poem=font="Arial,5,#ff0000,bold,normal" bkcolor="" bkimage="" border="none,1," type=0 line=0 align=center use=ex num="0,"]
يالسواط انت حظك دايما منكوب=والجبرتي يدور عيشة عياله
والعصيمي ينفض مشلحه والثوب=..................................[/poem]

فقال بريك:
[poem=font="Arial,5,#0000ff,bold,normal" bkcolor="" bkimage="" border="none,1," type=0 line=0 align=center use=ex num="0,"]
السواط ان تركنا ذب ريع اخروب=وان قعد عندنا فالمجلس اشوى له[/poem]


هذا ما استطعت الحصول عليه والمعذره على القصور,,,,