الحريم بعد الزواجات اه اه اه من الزواجات

الحريم بعد ماينتهى العرس.......


شوفوا المسلسل وهذي همسة لكل النساء
--------------------------------------------------------------------------------

اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله

النساء بعد كل زواج0

الأولى : ايش فيك تأخرتي؟

الثانيه : ساعه قاعده ادور على عبايتي 00انتي ما شفتي الحريم يتضاربون عند العبايات 0

العبايات تلخبطت

الثالثه : يا ليتنا ما رحنا زواجهم يزعمون علينا ويشمقون بنا0

اخوهم : ليش؟

الثالثه : زحمه والورعان يتضاربون بقشر البرتقال ويلعبون بالمويه

الأولى : ما شفتي ذيك اللي كتت القهوه على الحرمه اللي كانت نايمه؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمةبنتي مها

الثانيه : ايش رايكم في الفستان اللي لابسته هدى؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس 00تضحك عليك يا خبلة00تلقينه من محلات ابو عشره

وقفه

الغريب والعجيب انهم واثناء حديثهم في السياره يقولون لبعضهم 00خلاص ياغلايم

بس 000ترى ما يجوز نتكلم على الناس0

تكمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم الكبار اللي ما ينوكل

وهي طايحه في اللحم الزين (الفقرة) يعني0

العشاء

اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00

صح والله 000ما يجوز 000بس شفتي 000وشفتي 00وشفتي

واخيرا وصلنا المنزل

اخوهم: 00شوفو لي حبتين باندول اكسترا (من الصجة والرجة)

والله واكثر من كذا يصير معنا
الله يستر بس


ما ودي النساء يزعلون فمنتدانا الرأي والرأي الاخر وهذا واقع




شماس الخالدي