قصيده

[poem=font="Arial,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا الله يامعطي وياعادل الميل=يلي بفضلك تمنع الطير بالريش
يامعطي الدنيا لتاجر ومسكين=وكلاًعلى مااعطيت قنعان ويعيش
احد بحظه في قصور ورواشين=واحدٍ بحظه في عشاش وخرابيش
واحدٍ له الدنيا تقود الملايين=واحدٍقعد مسكين بين الدرويش
واحدٍ تنظحله كما دمعة العين=واحد عليه تصب صب الخراطيش
واحدٍ تباريله من يسار ويمين=واحدٍ يطردها وتقفي مناحيش
ولو لحقها ماشبع قدر يومين=يسعى بطول ايامها والمغابيش
الناس في سطح القمر به مطلين=واحنا حمدنا الله على لقمة العيش
قالوا تقدم قلت انا هايب الدين=قالوا نمشيها معك بالبخاشيش
وقلت حنا نعرف الزين والشين=والروح ندراها على السير بشويش
مادامت الدنيا لنوحٍ وقارون= ما اخذو من الدنيا ولا خيط من خيش
إذا كانت الدنيا بها الناس مقفين=حنا نعظمها ونطمع بها ليش
وصلوا على الهادي ميات الملايين=وعداد نبتات الصحاري من الهيش[/poem]

قصيدة للشاعر /سعدصالح ناجي المطرفي الله يرحمه