لا تامن الدنيا .

السلام عليكم ورحمة الله وبركاته.
أهديكم قصيدة للشاعر الكبير مسلم بن شعيل المطرفي رحمه الله ...وأسكنه فسيح جناته .

لاتأمن الدنيا ليا قبلت لك
ترى الثقه فيها غرور وجهاله

ولاتنسجم معها ليا دندنت لك
كم واحد دارت عليه المحاله

لوانهادامت لحد محصلت لك
كان احتكرها الجيل الاول لحاله

لكن جتله وانتهى ثم جت لك
ولابد يمضي فوقك اللي مضاله

لاتحسبن سود الليالي انجلت لك
منت احسن من اللي سعت لك بداله

ولاتصدق الاصحاب لو صفقت لك
ناس تقيس الرجل في راس ماله

ان شافواالدنيا الدنيه دنت لك
كل لبس بشته ونكس عقاله

وان قل مالك عندهم حل قتلك
من حبك لشي كرهك لزواله

جرب وقول ان فيه حاجه بدت لك
واشره عليَ ان شفت منهم جماله

دنياي ضحكت لي مثل مااضحكت لك
واليوم يكفيك الرجل عن سؤاله

اخذ التجارب واعتبرها جرت لك
من واحدٍ عَلمك باللي جراله

رحمك الله يافارس الشعر .............