يابنت ياللي تنثرين الجدايل

هذه آخر قصيدة نظمتها وهي تعبر عن نفسها
والمعنى في بطن الشاعر
أرجو أن تنال إعجابكم :

[poem=font="Arial,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
يابنت ياللي تنثرين الجدايل = ياأم العيون الناعسات الكحيله
حني على اللي حرقته القوايل = يسعى من أجل رضاك مدة طويله
تعبت لأجل رضاك من غير طايل = حتى غدا قلبي سوات المليله
غرقت في حبك وشفت الهوايل = بحور حبك مظلمات ( ن ) مهيله
شفتك في ابها لبس مثل الأصايل = وجيتك وقلبي في يديني أشيله
أهديت لك قلب(ن) من الحب عايل = وخنتي الأمانة بين يوم(ن) وليله
كنت أحسب إنك من بنات الحمايل = وإنك من أنساب الجدود الأصيله
لكن طلعتي خاينه بالوصايل = من ياصلك باخلاص ياويل ويله
حظي معك يابنت بالحيل مايل = ماعاد لي قوة ولافيك حيله
والله قهرتيني وهذي الدلايل = طلعت من حبك بليا حصيله
ياما نصحوني عنك قوم الجمايل = وقالوا تراها في الوفا مستحيله
إحذر تغرك بالجمال المخايل = كم واحد (ن) قبلك مضيع دليله
لكن مافادت جميع الوسايل = حتى وقعت وكانت أحسن وسيله
أنا ترى يابنت للحمل شايل = وأصبر على شيل الحمول الثقيله
ماهمني غدر الجبان المحايل = اللي يخون ولايقدر خليله
حذفت حبك من بريد الرسايل = لاعادك الله من فتاة(ن) جميله
أشكي على اللي يسأله كل سايل = أرجي ثوابه وأسأله واشتكي له[/poem]