عملتي عمايل ... مجاراة لقصيدة أبو حمدان ... يا بنت .

مجاراة لقصيدة أخي العزيز

الشاعر / أبو حمدان

والموجوده على هذا الرابط
http://www.hothle.com/vb/showthread.php?t=9886



[poem=font="Arial,5,#000000,normal,normal" bkcolor="" bkimage="" border="none,1," type=2 line=0 align=center use=ex num="0,"]
يا فاتنه ياللي عملتي عمايل = في صاحبي راع البيوت الجزيله
إن كان أبو حمدان شاف الهوايل ..!! = ما عاد لي في سكة الحب حيله
يا صاحبي قلبك خضر ومتمايل = والعين لا حبت تراها دليله
ما تعشق إلا ناقضات الجدايل = اللي مجرد تلفت لك جميله
دستورها كسر القلوب الثقايل = من طنخةٍ فيها تساوي قبيله
وإن عرّضت بين المهار الأصايل = قلنا خسر سوق المهار الأصيله
هذاك كوم وباقي الكوم هايل = يعجز لساني يوصفه ويعني له
الحب مقسوم الضلوع النحايل = من قبلنا ناسٍ مشوا في سبيله
وإن كنت شايل قبلك هشام شايل = قلبه .. وروحه .. والضلوع النحيله
وغلفتها بإحساس ما له مثايل = وقدمتها وأثر المسافه طويله
وأثر الليالي جرد والحظ مايل = والبنت فيها كبرياء وثقيله
ما هزها عطر .. وقصيد .. ورسايل = إلا يزيد عنادها كل ليله
متغطرسه ما أدري تحب التحايل = عشان تجبرني على الماء وأجي له
عذبٍ قراح وسلسبيل وزلايل = إنشد عليه أهل القلوب العليله
مخصوص للي كاسبين الجمايل = في وقتنا اللي بالفعل ينرثي له
ولا أنت تدري ما على أخوك عايل = يقدر يفاجئها بخطه بديله
لكن ما دام أنه عمل بك عمايل = ما عاد لي في سكة الحب حيله[/poem]