محاوره بين سعود الهذيلي ومستور العصيمي

[align=center]هذه المحاوره من العيار الثقيل وقد جرت بين الشاعرين / سعود الهذيلي البقمي
والشاعر / مستور العصيمي عام 1416 في مدينة الرياض [/align]

[poem=font="Simplified Arabic,5,black,normal,normal" bkcolor="transparent" bkimage="backgrounds/24.gif" border="solid,4,red" type=0 line=0 align=center use=ex num="0,black"]

سعود الهذيلي البقمي
مرحبـا ترحيبـةٍ كنهـا النـور المنيـر=من سرا في الليل الاظلم سرا في نورهـا
يالعصيمي حدني عنك واحد مـن مطيـر=والبقـوم غيابهـا تكتفـي بحضـورهـا

مستور العصيمي

البقا من هاجسٍ يصطفـق مثـل الغديـر=ما تطـول السالفـه لا لقـت دكتورهـا
البقوم رجـال واشتـال حملـك يابعيـر=والجمال تسير وحمولهـا فـي ظهورهـا

سعود الهذيلي البقمي

خلها بيني وبينك يصيـر اللـي يصيـر=لا تشيـر الا رجـالٍ يفيـدك شـورهـا
من زرعها بر ما هوب حاصدها شعيـر=وانت سولف والسوالف عطتك نحورهـا

مستور العصيمي

لن معك رجلين سر وان معك جنحان طير=وانتبه مـن ليلـةٍ مـا تطيـر طيورهـا
يا سعود اثـرك معلـم وللصنعـه خبيـر=والليالـي ذقـت حلواتهـا ومـرورهـا

سعود الهذيلي البقمي

اعرف اني يالعصيمي على روحي بصير=والرجال اهل الوفا ما تضيـق صدورهـا
ما علي خلاف واكبر ليا شفـت الكبيـر=دارسٍ كـل الليالـي واعـد شهـورهـا

مستور العصيمي

عاش راعي الفله اللي على بابـه خفيـر=وان حضر بين العرب ما يمس شعورهـا
مدهـا مـد الرشـا لا تضلـي تستديـر=والسنـه مـرت وزلـت وهـذا دورهـا

سعود الهذيلي البقمي

عاش راعي الفله اللي يشيـر ويستشيـر=والعلـوم بطونهـا بيـنـه وظهـورهـا
اصبر اصبر يالعصيمي وبيقـر القريـر=لين تنزل فـي حياهـا وكـب دهورهـا

مستور العصيمي

الوعد مثـل الرعـد والبشـاره للبشيـر=والذياب اكلت عشاهـا وخلـت سورهـا
غير المنزل بمنـزل بعـد جـاك النذيـر=العرب يمـك تراهـا تحـوش سبورهـا

سعود الهذيلي البقمي

الوعد مثل الرعد صبح والا في عصيـر=خلهـا تطبـخ وتنجـح بوسـط قدورهـا
العلـوم الاولـه كلهـا خيـره وخـيـر=والعلـوم التاليـه لا تــدن نجـورهـا [/poem]