منـــبع الــــجــــــــود

[frame="10 50[poem=font="Arabic Transparent,5,#000000,bold,normal" bkcolor="" bkimage="backgrounds/15.gif" border="none,1," type=0 line=1 align=center use=ex num="0,"]
"]أمهلت حبل القوافي مير عّيت تسير=أسوقها عند لازمها وترجع عليّ
بغيتها في عجل وأبطت وهي تستذير=قيس اربع اشهر لها من هيبة الفيصلي
ماهي غريبه ومثلك بالمهابه جدير=من هيبتك تستحي منك البيوت المِلي
سلام ياأمير اللي يذكرونك بخير=وشلون مايذكرونك وأنت اللفضلي
تركي ولا مثل تركي في أسفرانا سفير=يشهد على صدق قولي ربنا المعتلي
نلت الثقه والثقه ما نالها الا قدير=وافنيت في خدمة الدوله ربيع الخلي
أمدحك وأنت الفخر واغليك وأنت الشهير =وأعرفك من قبل أجي لك وان نشدت أهذلي
أنا احد أبناءك العسكر وغيري كثير=جينا لكسب العرفه والزمان ايغلي
طموحنا مايوصّف والفكر مستنير=واَمالنا ما انتهت وأعقولنا تعقلي
والأخره منتهى وألأرض مبرك بعير=كم مر فيها بشر واليو منهم خٍلي
والعدل حبله مدي يوم ان غيره قصير=وأنت حبالك تورّدمايحات الدٍلي
ياسيدي في غلاكم ماندور شوير= على الوعد والعهد من وقتنا الأولي
من عهد جدك وأبوك وعمك أول وأخير=باقي ولا نا لكم نبلا وهو ما بلي
هذا ولولا الضروره ياسمو الأمير=ماكان ضيعت من وقتك دقيقه عليّ
مشاغلك وانشغالك واهتمامك كبير=أكبر من هموم كم جاني وكم راح لي
جيتك عسى مايجيك من المدائن نذير=يامنبع الجود لا ضاقت شعبت أجملي
اعلوم سيرتها واعلوم عيت تسير=وانا بديره فقدت أهل السنع من هلي
تمت وفي المختصر عكس الكلام الكثير=والعارفه ما يعرّف يا ولد الفيصلي[/poem][/frame]


[frame="7 50"]الشاعر //عطـــاالله بن عطــيـة الله الــقـــارحي الهــــــذلــي
تحـيــاتي للجمــــــــيع اخوكم عاشــــق هذيل الــــقــــارحي[/frame]