يـــــاعــــــاذلــــــيـ ــــــن الــــــقـــــــلــــــــ ــب .

هذه قصيدة للشاعر الكبير محمد بن حامد المسعودي الهذلي وجدتها في أحد المنتديات

فأحببت أن أنقل لكم شيئاً من النظم الذي أجاده كما أجاد المحاوره فإليكم القصيده :

يا عـاذلـيـن الـقـلب مـاطــاع عـــذال *** والـلــي رفـــع سـبـعٍ بـلـيا عــمـــدهـــا

انــه عـلـى منـهـاج ماضـيـن الأفـعـال *** لـــــه غــايـــةٍ لاقـبـلـهــا لا بــعــدهــا

عـاش إبـدويٍ مـع مـر الأيـام رحـال *** حــريــةٍ فــــي حــــد ذاتــــه يـجـدهــا

لا قـيـل له وينـك و لا هـو لأحــد قـال *** عـــــدٍ يـعــكــر جــمــهــا مــايــردهــا

يهوى الطبيعـه بيـن وديـان وجبـال *** مــع جلـسـةٍ فــوق الأصـابـع عــددهـــا

نقـوة عيـال الـعـود شـيّـاب وعـيـال *** الـلــي سـوالــفـهــم مــحــد يـنـتــقـدهـا

والـدار مسقيهـا مـن الغيـث هـمّـال *** ســحــا بـــةٍ قـــادت وهــلــت بــردهــا

وقرب الزوال ومال فيّ العصـر مـال *** والـنـار ولعـهـا الفـتـى فــي وعـدهــا

ونجرٍ و محمـاسٍ علـى النـار ودلال *** رســلان شـهــمٍ بـالـوفـاء ماجـحـدهـا

و يطيب لك من صفوة الكيف فنجال *** مـع مرحـبـا والنـفـس يكـمـل سعـدهـا

ولا مصير النفـس محتـوم لـو طـال *** زرعــة فـنـا و الـلـي زرعـهـا حـصـدهـا

و العقل حكمه والثقه راحـت البـال *** والـلـه يـعـيـن الـلــي بـنـفـسـه فـقــدهــا