الله يجيب المطر قولو امين

هاذي قصيده غنيتها
واكيد عنوانها واضح لمن يقراها

[poem=font="Arial,5,,bold,normal" bkcolor="" bkimage="" border="none,1," type=2 line=0 align=center use=ex num="0,"]
يالله ياللي تعلم الجهر والغيب =يا منشي مزون الحيا من بحرها
ياربنا مايوم طلابك يخيب=الناس خالقها وتعرف قدرها
يارب جنبنا طريق العذاريب =وابعد عن نفوس الخلايق كدرها
هاضت هجوسي يوم رمت المراقيب =في ديرة بكا عيوني دهرها
مافيه غير الذيب يعويله الذيب=قنة يسندها وقنة حدرها
من بعد ماكانت عدود المشاريب =تسقي شجرها لين يثمر ثمرها
اليوم صارت بين حر ولواهيب =حتى الورق ما تلمحه في شجرها
وغصونها جفت وصارت شلاهيب=من لونها ما تعجب اللي نظرها
يالله انا طالبك جزل المطاليب =تمطر على الدار السنيه مطرها
حتى شخاتيره تغط العراقيب =يحي الديار اللي دهرها دمرها
يالله يا رحمن يا ساتر العيب =ذنوبنا يالله عساك تغفرها
يالله يامن رتب الكون ترتيب =قر العيون اللي ذبحها سهرها[/poem]