ياهل الركاب ( هجيني )

[poem=font="Arabic Transparent,5,#000000,normal,normal" bkcolor="" bkimage="backgrounds/2.gif" border="none,1," type=1 line=0 align=center use=ex num="0,"]
ياهل الركاب الذي منحين=معكم تحيات عطريه
مرّوا على ديرة الغالين=أهل الديار النحاويه
ردّوا على نابي الردفين=ظبي النفود القزاويه
راعي هلا والكلام الزين=حالي غدت منه مبريّه
يازين غايب ثمان سنين= الدار عقبك خلاويه
ولّعت في خافقي نارين=والروح صارت شقاويه
من عقبكم مااهتنت لي عين=غصب على العين جبريه
أون يوم العرب غافين=ونات بالصدر مخفيه
يوم اذكر أيام راحت وين=أيام بالود مرويّه
نسهر سوا ماعرفنا الشين=أشواق مابيننا حيه
صفا المشاعر على الإثنين=والصوت رذراذ وسميه
والبدر ونجومه السارين=شهود لحظات ورديه
نضحك عن همومنا سالين=صدق وبراءه وحنيه
ذكرى عزيزه ووقت زين=أيام ماهي بمنسيه
آه على صاحبي آهين=بكره وذلحين وشويه
ياهل الركاب الذي منحين=معكم سلامين وتحيه
[/poem]