ماطراك ولاانت ناوي

	المشاركة الأصلية كتبت بواسطة عبدالله الطلحي

	[poem=font="Arial,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"] وعد مثل المواعيد القديمه=منت والله حريص ولاشفاوي طعت قوم الحسد واهل النميمه=لين غروك واخلفت الهقاوي كلما جوك حطوني وليمه=جاك في غيبتي طابخ وشاوي عالم اهل الحسد مافيه شيمه=يامصدق مخيبة الرجاوي مير مادمت راضي بالظليمه=فانت مرتاح وإلا انا شقاوي مااقدر انساك يامال الغنيمه=وانت قلبك على النسيان قاوي جيت ابنساك خانتني العزيمه=طيّب القلب مايرجع قساوي معترف بالخساره والهزيمه=مابقالي حقوق ولادعاوي عقب فرقاك ماللعمر قيمه=عايشٍ بالوطن مثل الجلاوي التعابير والصوره مقيمه=لكن القلب وشعوره نحاوي قلب لك في معاليقه وسيمه=جرحك اللي عجز عنه المداوي في الحشا لك مداهيلٍ عظيمه=كنت تمرح بها سارح وضاوي يوم كانت مرابع مستديمه=ثم خليتها قفرٍ خلاوي مابها عقب فرقاك الأليمه=غير ريحٍ تون وذيب عاوي كلما بشّر الوسمي بديمه=في حراويك فزت للحراوي واعشبت كلها حتى الهشيمه=عوّدت مورقه والعود راوي والحرواي تمر مرور غيمه=عقبها يرجع الوادي سناوي وانت توعد مواعيدٍ عقيمه=والوفا ماطراك ولاانت ناوي[/poem]

والله يا أبو ناصر لو ما أن قصايدك تسكتنا وتخلينا ما نتكلم

كان قلنا لك أنت قطوع

لكن تجينا بقصيده تخلينا في غيبوبه لين تجي من جديد



صح لسانك مدد بلا عدد


وأعجبني يا أبو ناصر روعة تصويرك

عز الله تذكرني بالإطلال الأستهلاليه في المعلقات


ما شاء الله عليك


ومطلوبه لا توخر علينا بالحيل