شاركونا بأجمل الأبيات

نتظر صبحك .. صباحة كل عيد
. . . . . . . . وألبس أشواقي .. وولاتشرق أبد !

واعتذر لي عنْك يالغالي البعيد
. . . . . . . . وأمسح دموعي عن عيوني بعد !

وابتسم .. واطمن احساسي العنيد
. . . . . . . . بان بين عيونك وطيفي وعد !

وايدي افردها .. وادفيها بـ ايد ..
. . . . . . . .واحضن ضلوع اتزاحم بالنكد

وافتح لصدري شبابيك القصيد
. . . . . . . . علّي القى به عقب ضيقي سعد!

..هذا حالي في غيابك.. لاجديد!
. . . . . . . . ميّت لحالي.. وولا يدري أحد !

حتى وان زاد الجفا ..حبي يزيد
. . . . . . . . مثل همي .. والتوجد .. والسهد

ما فـ هالدنيا عقب عينك فقيد !
. . . . . . . . وما فـ هالدنيا عقب عينك بلد !

وهذا ثاني عام .. تتركني وحيد
. . . . . . . . وآنا اجدد في محبتك العهد

..
..

انت قل لي .. أي صبح ؟ وأي عيد ؟
. . . . . . . . وانت يا عيدي .. ولااا تشرق ابد !
،