قصيدة

الله أكبر هذه من وين جايبها ؟

هذه لوالدي العزيز ( مساعد بن سعيد السويهري الهذلي ) حفظه الله بعنوان ( حب الربيع )

وقد طرحتها في بعضض المنتديات

وفيها تصحيف قليل يغير الوزن ،، وهاهي كما قالها :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا الله تحيي بالحيا كـل الأوطـان =سيل من الوسمـي يعـم الجزيـره

تنشي من المنشا ثقيلات الأمـزان =اللي بها البراق مثل السعيـره

نو يهول اللي يشوفـه بالأعيـان =أسود وكن الليل الأسـود خشيـره

يمطر وليا مطر صار للجو دخـان =من قو هملـول المـزون الغزيـره

ناخذ ثلاث أيام والنـور مـا بـان =لـو كـان للبـراق نـور ونيـره

والماء زمى والروض مليان مليان =والوادي اليا فاض نسمـع هديـره

وتباشروا بالسيل حضـر وبـدوان =الفرحـة أكبـر والسعـادة كبيـره

ما عاد ينشد راعي الطرش والضان =وراع الفلاحة ريـح الله ضميـره

ونبت النبات وزان طلع الحيـا زان =فالضلـع بـذر وفالزبـارة بذيـره

وعقب شهرين بحيل خلاق الأكوان =تلقى الزبيدي نابـت فـي محيـره

الأرض خضراء مخضره تقل بستان =والريف والأرياف في كـل ديـره

كثر النبات وطلعه أشكـال وألـوان =وإن نسنس النسناس فاح بعبيـره

حب الربيع لطال بالخيـر عنـوان =نبيـه لـو حتـى ليالـه قصيـره

هذا ويا رب المـلا عالـي الشـان =لعل ما في الغيـب خيـر وخيـره[/poem]

وياليت تذكر لنا نقلتها من وين يا خوي shmas2000