قصيده للشاعر صالح بن رويجح المطرفي يرثي بها والدي الشيخ عبيد بن عادي العميري يرحمه الله ..

[poem=font="Arial,4,#ff0000,normal,normal" bkcolor="" bkimage="" border="none,1," type=2 line=0 align=center use=ex num="0,"]

من عقب اذان العشاء والفرض صليته - ودعتلي صاحب ماهان توديعه = انا وربعه ومن يمشي على صيته - كل بعد فرقته هلت مداميعه = لوهو مسافر امريكا قلت ياليته - ياخذ مسافه وتفرحنا مراجيعه = لكن سفرت فينا حلت مواقيته - حطوه في منزل دنو مرابيعه = مرحوم ياللي ثمان اسنين خاويته - ماشفت غير الرجوله في مشاريعه = يارب تغفر ذنوبه حيث واتيته - دعوة صحيب مولع فيه توليعه = من يوم فارق عبيد اظهر تناهيته - حاشا وكلا عبيد اشريه مابيعه = ويامحسن اللي لمحته فيك واريته - حرق على القلب وازدادن اواجيعه = يابو سعد من بكاك الدمع هليته - خالك ولا الوم دمع فاض من ريعه = انشهد انه يشوق اليا تناخيته - يسد لازمك وتحصل منافيعه = قاسي وراسي وتلقى الطيب في بيته - مدهال لهل الكرم مشبع مجاويعه = ظل لربعه ويفزعلك ليا جيته - ويرد راع المطامع عن مطاميعه - مهما كتبته وقلته عنه ما وفيته - والله من طيبه صعب تجميعه = ياعبيد بيت الوفاء والطيب عليته - رفعت مبناه ومنور مشاميعه = عابد يانعم الموصى يوم وصيته - وفرج وشامان عد عذب انابيعه = الجد عادي وعادي يوم سميته - عساه يمشي طريق الشيخ ويطيعه = وعادل وصالح و صادق يوم ناديته - كل على ماسمع يفتح مساميعه = وحارث وسلطان واللي ماتناسيته - وحمزه ومن لاعرفت اسمه ولاذيعه = الراى لموه لانسمع بتشتيته - سيرو على منهجه واخذو تطابيعه = ومرحوم ياللي على ثالث تقافيته - فواز بعده حصل دفنه وتشييعه = عيال عم تقافو مفجع الميته - والحمد لله على حكمه وتشريعه = يارب تجبر ذوي عادي وماعطيته - ماعنه مجناب لو توجع مقاطيعه = وصلاة ربي عدد ماقلت وامليته - على محمد عدد كتبه وتطبيعه[/poem]