¸,.-~*يا رب*·~-.¸

[poem=font="Simplified Arabic,4,#8b0000,bold,normal" bkcolor="" bkimage="" border="none,1," type=1 line=1 align=center use=sp num="0,"]
يارب عبدك في ليالي التيه معدوم الضمير = غمض عيونه وامتطى صهوة جواد الهافيه
وأقفى يلاعب غي نفسه في سما السيه يطير = الشكر لك لبسته بسترك عباة ضافيه
يارب والدنيا على راسي رحاها تستدير = تطحن خفوقي لين صاحت كل عله خافيه
زبنت انا بحماك أجرني يا ملاذ المستجير = من نفسي اللي من تعديها مهي متعافيه
الروح ماتبصر سعادتها ولي عين الضرير = بيدي عصاي وساري ليلي شموعي طافيه
اخذت من سجات وقتي وقت غيري والمصير ... = إني تجرعت المرار وياعساها عافيه
تعبت وانا اسقي ورودي في بساتين الهجير = قبل القطاف ام الشذى هبت عليها السافيه
أحيان أحس إني وطن فيني الفقير مع الامير = وفيني غلب راعي الردى راعي النوايا الصافيه
الحظ سيف وسيفي المثلوم ميت في الجفير = لاجيت ميدان المعارك ماثبت ميقافيه
الأرض شوك ولامعي مهره ولا راكب بعير = وأدرج أقدامي على درب المنيّه حافيه
مليت مستوطن مواطي السهل وينك يا العسير ؟ = وش عذر رجليني ليا شدت عليها اكتافيه ؟!![/poem]