المحاوره المباشره لهذه الليله:فواز الهذلي &رعد المصيف

فواز الهذلي:

يا مرحبا ترحيبة(ن) عبر الفضا كبر المحيـط::::مدري كما بحر العرب ولا المحيط الاطلسي


الفزعه اللي حول ابن قاسي لو انعيد الشريط:::::يمكن يقوم الضلع واقف يوم ريمـه تضرسـي

رعد المصيف:

دام البقا يا صاحبي فواز يالضد العبيط::::عادتنا يا رجل في الميقاف قوم(ن) نحتسي

اليوم انا قررت اوضح لك غضبك المستشيط:::: والناس يا فواز باجمل ما تحبه تكتسي

فواز الهذلي:

انكـان وصاكـم عمـر نعميـن ولسانـه سلـيـط::::جابه بجابـه كـان يـوم العيـد دقيـت اجرسـي

لا تحسب ان السالفة راحت كما طيحة مقيط::::الهـيـنـه يـاهـونـا والمعـضـلـه مـــا تـنـســي

رعد المصيف:

السالفة يا صاحبي راحت مع الرجل النشيط ::::واليوم نرويها عليك بكل مجلس تجلسي

افسدت حج الناس يا فواز في لبس المخيط:::: تقول هذا اللبس يا اهل العرف عز الملبسي

فواز الهذلي:

يا كبرها من يمكم وزن الجبـل ماهـو بسيـط::::حابل ونابل وسط ليل(ن) يارفاقـه خرمسـي

هاذي ثلاث شهور مهله روح لين انك تحيط::::واعرف قوانين العرب حتى تصير مهندسي


رعد المصيف:

اللي يسوق الماء الزلال اليوم يشرب في الخليط:::: حارس على زمزم وينسى ما ااحتواه الترمسي

الظفر في ظهر الفرس والليلة العميا تخيط:::: :::متغربلة متناقضة من دم ابوها تلحسي

فواز الهذلي:

ما قالو القرش الغليط يروح بالمال الغبيط ..!؟؟::اصحى لعلك ماتـروح الا تحـت وطـي افرسـي

والمشكلة يا ليتها وقفت على القرش الغليط ..!!:::قـانـون شــرم الشـيـخ عفسـهـا لـعـلـه يعـفـسـي