كيف نشجع زواج ابنآء القبيلة من بنات القبيلة

ابارك ياخي موفق هذه الفكرة الرائعة انت تقصد الارامل والمطلقات والله هم دخلوا دنيا كما يقال البلا في بنات هذيل اللي مابعد تزوجوا والله اللي يدور من برا هو الخسران العلم والاخلاق والجمال والحكمة والشعر والفراسة والله يالهذليات بعضهن تتحلى بصفات المرأة الهذلية الاصيلة البداوة وتمسكها بدينها اهم شي والمرأة الاجنبية ماتتساوى مع بنت العم ورائع جداً ان رجال من هذيل يناقشون قضية من اهم القضايا والمرأة الهذلية ما تمانع ان يتزوج زوجها ولكن الرسول عليه الصلاة والسلام قال وان لم تستطيعوا فواحده وعادة المرأة الحرة الللي مكملة بيتها وزوجها ماترضى الا اذا هي سمحت له وبالله التوفيق

فكرتك حلوه للشباب اللي ماتزوجو أو اللي مطلقين أو اللي حريمهم ماتو.... لكن !!!!!!!
المطلقه لها المطلق والأرمله لها الأرمل والعزباء لها الأعزب!!
أما تبغا كل واحد يتزوج على زوجته وهي مو مقصره معه هذا بعينه قمة الظلم!
(( هذا الكلام لكل الرجال ))
اذا ودك تتزوج عليها قوللها قبل ماتآخذها من بيت أبوها!
مو تجيب منها عيال وتلزقها فيك ذيك الساعه تقول والله انا احبك بس في بنت مطلقه وعندها اطفال حزنت عليها ودي اتزوجها أو في بنت توفى زوجها وهي بعز شبابها وأبغا أستر عليها
ويكذب على زوجته ويقول انتي بتظلين زوجتي الغاليه...العزيزه ..أم عيالي... والتعداد عشان أبغا أكسب الأجر أو عشان أتبع سنة الرسول عليه الصلاة والسلام>>> ياشيخ روووح بلا بكش
على باله يبغا يمحي الجرح اللي بقلب المسكينه زوجته بهذا الكلام
لو انت تحبها جد كان وفيت معها
لكن المرأه بطبعها حنونه تفكر في اطفالها الصغار وترضى بالأمر الواقع لأنها بتكون هبلا لو اتطلقت وخسرت حياتها وهذا الحاصل مع حريم عتيبه لا تحسبونهم راضين عن رياجيلهم..
ولو تلاحظون هذي القبيله رياجيلها من النوع اللي يكثر النسل عشان يلزق بنت الناس فيه وبعدين يعمل عملته ويحط فوقها الثانيه والثالثه والرابعه (ولو في خامسه كان حطها فوقهم) مع احترامي للبعض
أنا كنت دايم أمدح برجال هذيل أقول أغلبيتهم أوفياء لزوجاتهم ونادرا" مايتزوج الوحد على زوجته إلا إذا ماتت أو طلقها بس أشوفكم عاجبينكم رجال عتيبه على بالكم رجوله اذا الواحد عدد زوجاته بدون سبب مقنع؟؟
إلا والله هذي حركات صبيانيه وماتمس معنى الرجوله بصله!
معليش انا تفاعلت شوي لأني سمعت قصص كثير فيها ظلم للحريم
لكن الله يجازي كل من يتزوج على زوجته وهي ماقصرت معه وعاشت عمرها كله تخدمه بعيونها..أنا بنت من بنات هذيل وماتزوجت ولايمكن أتزوج واحد متزوج ألا اذا عنده سبب مقنع مثل زوجته مريضه أو مقصره معه عشان مايكون في هذا المشروع ظلم لبعض الزوجات أتمنى في ناس تأيد كلامي..وشكرا"