شاعر المحاوره والنظم الكبير : عبدالله العنقري التميمي ( لويحان ) ..

[poem=font="arial,4,#0000ff,bold,normal" bkcolor="" bkimage="" border="none,1," type=1 line=0 align=center use=ex num="0,"]
البارحة ما هملج الطرف بنعاس=ما فاض من نجمٍ عيوني تخيله
لا باس يا عيني على السهر لا باس=على وليفٍ فات ما القى مثيله
عنا قطع شوف المواصل له ارماس=ولا في يدي من ناب الارداف حيله
فيما مضى يأخذ جوابي من الراس=واليوم لا عاني وانا ما اعني له
العشرة اللي ما توثق على ساس=تطيح لو صارت حصون طويله
يا ونتي منها المعاليق يبّاس=صبري قضى ما باقي الا قليله
صبرت صبراً صابني منه وسواس=صبر ٍ له النفس العزيزه ذليله
على وليف حال من دونه الياس=والياس طب للقلوب العليله
من يتبع المقفي مرده بالأفلاس=مثل الذي بالقيظ يدفق صميله
هذي دورب الحب جِدّد ودرّاس=الله يمضيها بستر وجميله
موفقٍ للخير يا ظبي الاطعاس=لا تحسب الدنيا باهلها طويله
الصاحب الغالي نحطه على الراس=واللي يودك لا تدور بديله
وصلاة ربي عد ما هب نسناس=على نبيٍ وضح الله دليله [/poem]


,,يتبع,,