جرح الهوى

	المشاركة الأصلية كتبت بواسطة مطر الهذلي

	السلام عليكم ورحمة الله وبركاته من باب التنويع اقدم لكم هذي القصيدة الغزليه [poem=font="arial,5,#000000,normal,normal" bkcolor="" bkimage="" border="none,1," type=2 line=0 align=center use=ex num="0,"] واحالي اللي للعرب ما شكيته = اخاف لايدري من الناس شمات جرح الهوا باقصى الضما ير كنيته = وامسى ورى عوج الضلوع النحيفات وان شفت لي مرقاب عالي بديته = وهل من عيني على الخد عبرات كله سبايب واحدا ما نسيته = دايم وهو في خاطري كل الأوقات يطري عليه يوم جاني وجيته = صدفه بلا ميعاد وقتاً لنا فات وانا اشهد إني بالردى مانويته = من عادتي ماني بتباع غِرات سر المحبه للعرب ماحكيته = من دونه اقفال الضما ير وثيقات اخاف من هرجن يجي ما بغيته = يفرح به اللي ينقلون الإشاعات راعي النميمه عل ينهد بيته = كلمه يزود فوقها عشر مرات عساه يفدا الغالي اللي عنيته = اللي على شانه تهون الصعيبات لولاه درب أهل الهوا ما مشيته = واتعبت فيه الرجل روحه وجيات والليل لامنه ضواني سريته = حتى طلوع النور سهران ما بات ياليت نور الصبح يوم احتريته = من عند غض العود جاني بكلمات كان البشاره من عيوني عطيته = دمعاً يبيَح بالسدود الخفيات[/poem]

وعليكم السلام ورحمة الله وبركاته

يا سلام

غزلية قمة في الروعة

صح لسانك يا مطر

أبدعت والله