مطبات صناعية

المرجله ماهي علـى الشـارع سبيـل
كـلاً يحملهـا فـي صنـدوق الونـيـت
المرجلـه حثـه علـى فـعـل الجمـيـل
تفسير هافزعه وطيب وحسن صيت
دنيـاك يابـنـادم كـمـا حـبـلاً طـويـل
امـا تشـربـك فـيـه والا بــه رقـيـت
واسوا مطبات العمـر قـرب البخيـل
الـلـي يصنخـبـك ليـامـنـك نـخـيـت
امــا قـفـل بـابـه بــلا قــال وقـيــل
والا عطـاك العـذر وانتـه ماحكـيـت
مايقـنـع اطمـاعـه كـثـيـر ولاقـلـيـل
لو يمتلـك جـده عيونـه فـي الكويـت


مبدع يابن مذيخر وحكيم

بيض الله وجهك وصح لسانك

وبانتظار جديدك يالجزل