قصيدة جندي كريم ورد الضيف عليها..

شكرا على ما نقلت يا صيرمي معاني جزله


صحيح انها راحت للمولد والبخاري ( الله المستعان )

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالحميدي كان طاري لك طواري=سل سيفك واسرجه صفرا اصيلة
الزمان الشين شفناله شـواري=وان عصانا الوقت مابالوقت حيلة
نصبر لصكـات دنيانـا جبـاري=حكمة ماعندنـا فيهـا وسيلـة
كن في قلبي مثل زرق الشباري=شب في جوفي مثل حامي المليلة
يوم اميز سلطة عيال الحـواري=كيف نرضاها وحنا مـن قبيلـة
نمتثل لامر المولـد والبخـاري=لامرهم ننصاع بنفـوس ذليلـة
وربعنا راحو مثل برق الحبـاري=واصبح المقلـط لبيـاع البليلـة
وان سكتنا ليت تاكلنا الضـواري=خذ يمين الشرع مافينـا عقيلـة
والختام اعمار خلق الله عـواري=من يموت بعز خير من الفشيلـة [/poem]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياحسن ليتك بما فـي القلـب داري=كان ماشبيـت فـي راس الفتيلـة
راح وقت السيف وحزام السـواري=يوم كلن ساعـده تشفـي غليلـة
عقب صوت الخيل جا صوت البوراي=وكل شي جابـت الشركـه بديلـة
والفرس ماتلحق الجيب السفـاري=وارد اليابـان يـوم فـر ويـلـه
والدبش ماعاد له بالسوق شـاري=ياخذونهـا منـك باسعـار قليلـة
والجمل لو صاحبه جوعان عـاري=ماتسـاوي قيمتـه ثـوب وفنيلـة
تحسب انك شيخ لاقالـوا مطـاري=راح وقتـك ياولـد وش تعتزيلـه
يعتزي من راجع البنـك العقـاري=تاجـرن كـل العـزاوي تستويلـه
ذاك شيخ الشيوخ لو اصله بخـاري=دام معه فلـوس مايوجـد مثيلـه
والزمان اللي تبي مالـه مـواري=راح مع جـدي وجـدك لا تخيلـه
مالك الا الصبر يالنجـم الزهـاري=عقب نورك حال من دونه مخيلـه
والختـام اللـي يريـد الله جـاري=مايمـوت الادمــي والله كفيـلـة [/poem]