خــــلـــف بن هذال ليس شاعر

[عذوبة جرح]

[poem=font="arial,5,#008000,bold,normal" bkcolor="" bkimage="" border="groove,5,#2e8b57" type=0 line=1 align=center use=ex num="0,"]
ليا حل الثعل بالفين أسد من شافهـن يحتـار=ثعالب لو عليهن من تواصيف الاسـد عينـه
وليا حل الاسد بالفين ثعلـب غيـر المعيـار=صنع منهن أسود ولونهـن طابـق ملاوينـه
وأنا مانيب شاعر للوطن كل الوطـن شعـار=سلع بيع وشـراء بالنقـد لاسلفـة ولادينـه
وأنا ما أقول عالم يعلم الـي سيـر الأقـدار=أفراسه من خيالن ماارسن ماضـاع تخمينـه
عبرت من البحور أبحور مايعبر بها البحـار=ولادورت للمحـار وأغرتـنـي مثاميـنـه
شربت من القناعه والمناعه بالضمير الحـار=والي نفس رضت بالوقت في عسره وفي لينه
لقيت الحقد ياكل صاحبه مثل الحطب والنـار=يشوف من الغباين حي ويمـوت بطواعينـه
اذا خاطبك عاقل صارحه يشبعـك بالافكـار=وإذا خاطبك جاهل قل يازين الهـرج يازينـه
وإذا مالت بك الكفه تخير بالرجـال أخيـار=علـى الكفـه موازينـك تعادلهـا موازينـه [/poem]


في البدايه
انتم تتكلمون عن شاعر وطن ماقلتوا شاعر مواطن او شاعر اجتماعي او شاعر شعب اوشاعر الشارع السعودي قلتوا شاعر وطن إذا مالعيب إذا كانت كل قصايده أو الأغلب تتحدث عن الوطن

والشي الثاني
هذا اللقب أطلق على الشاعر خلف من قبل الدولة

والشي الثالث
خلف بن هذال نفى عن نفسه هذا الاسم كما ذكر بالقصيده لانه يعتبر كل مواطن شاعر وطن

والشي الرابع
خلف يكبر ويزيد اللقب اللقب مايضيف له ولا يزيد له


وأنا اتفق مع كلام أخي هشام الهذلي

أما بالنسبه لأخي ابو فيصل
فأقوله الشمس لاتحجب بغربال

ولكل من أساء بكلمة لخلف
خلف رمز من رموز الشعر له جمهوره فمن الذوق ان ماحد يغلط عليه احتراماً لمسيرته الشعريه وتقديراً لجمهوره

دمتم بود
ولكم مني أطيب التحايا